LEGAZPI CITY—Inapod kan sarong transport group na warang saysay an liwat na paghababa kan presyo nin krudo partikularmente an diesel asin gasolina na ipapaotob ngonian na aldaw nin Martes, Disyembre 2.
Segun ki PISTON President Mody Floranda, sa intrevista kan Bombo Radyo Legazpi, wara suboot ining saysay huli sa kun hihilingon ngonian na taon an nag-abot na sa kabilogang P7.00 an itinaas sa presyo kan petrolyo kun saen mas dakol man liwat an inihalangkaw kan presyo kaysa sa ibinawas kaini.
Mantang nagkakaigwa suboot nin rollback sa presyo kan nasabing produkto, an nagbabawi man ini tuyong may paghalangkaw sa presyo na nagsasakat sa labi P1.00—na nagreresulta sa pagkawara nin dakulang ganansya sa mga jeepney drivers asin operators.
Tinawan-doon man kan opisyal na ano man na paghiro sa presyo kan krudo an may dakulang epekto sa sektor kan transportasyon.
Mientrastanto, mensahe man ni Moranda na dapat nang maghiro asin an padagos sa pangapodan na mapanimbag an gabos na imbuelto sa kurapsyon, maibalik an kwartang hinabon asin itagama ini sa tamang direksyon siring kan mga programa para sa sektor kan pansalud, edukasyon, sa pampublikong transportasyon para naman sa magigin futuro kan nacion
