Nakagibo nin historya an football superstar na si Lionel Messi sa pagkagana kan Argentina kontra sa Algeria sa score na 3-0.
Sa enot na laban kan Argentina para sa saindang title defense sa FIFA World Cup 2026, pinatumba kan koponan an Algeria sa paagi kan bigtime performance ni Messi.
An gabos na tulong goal an nagibo kan koponan an anas hali ki Messi.
Naipalaog niya anmga ini sa 17th minute, 60th minute, asin ika-76 minuto kan kawat.
Ini an pinaka enot na bes sa karera ni Messi na makagibo siya nin hat-trick (tulong goal sa sarong laban) sa laog nin sarong World Cup tournament.
An ika-tulong goal ni Messi sa nasabing laban an ika-16 na goal sa bilog na partisipasyon niya sa World Cup.
Puminantay na ini kay Miroslav Klose kan Germany bilang all-time leading scorer sa historya kan Men’s World Cup.
