LEGAZPI CITY — Nasa limang vintage bomb an aksidenteng nadiskubre sa dagang sakop kan ipigkokonstruir na istruktura sa Barangay Quimantong sa banwaan kan Daraga, Albay.
Sa intrevista kan Bombo Radyo Legazpi ki Daraga PNP chief P/Supt. El Cid Roldan, sarong concerned citizen suboot an nagrani sa hepatura nganing ipaaram an dapit sa nasabing mga bomba.
Tulos man na nagpasiring an PNP sa nasabing lugar nganing maingat na iproseso an mga vintage bomb na pinag-kakarkulong nasa 1 feet an sukol.
Segun kiRoldan, idinara na sa Camp General Simeon Ola an nasabing mga bomba na nakatalaan ng i-dispose nganing dae naman magkawsa pa nin posibleng peligro.
Napag-araman na pwedesir pang magsabog an nakuang mga vintage bomb maski pa nagkapirang taon na ining nakalubong sa nasabing lugar asin pigkakalawang na.
