LEGAZPI CITY- Limang mga barangay sa banwaan kan Sto. Domingo, Albay an pigpapa alerto enkasong lumala pa an aktibidad kan bulkang Mayon.
Segun ki Sto. Domingo Mayor Bong Banda sa intrevista kan Bombo Radyo Legazpi na wara man na mga residente na nagtetenir sa 6km permanent danger zone.
Huli digdi, an mga residente sa 7km asin 8km extended danger zone an pinaghahanda.
Sinabi kan alkalde na nakaolay na niya an mga barangay officials asin handa na man an mga evacuation centers na posibleng pagdarahan kan mga residente enkasong maitaas pa sa alert level 4 an bulkang Mayon o kun enkasong magkaigwa nin biglaan na phreatic eruption.
Nangapudan man an alkalde sa mga residente na dae na magmatagas pa asin magsunod sa mga lokal na opisyal enkasong magpaotob nin forced evacuation ngani na maibitaran an anuman na dae pinaglalaoman na insidente.
Sinierto man ni Mayor Banda na pirmihan na nakahanda an lokal na gobierno asin an kooperasyon nasana kan publiko an kinakaipuhan.
