Gadan an limang katawo sa nangyaring banggaan nin tren asin bus sa Nove (no-ve) Zamky sa nasyun nin Slovakia.
Segun sa mga otoridad, hali an tren sa Prague (frog) sa nasyun kan Czech Republic asin pasiring kuta sa Budapest, Hungary.
Alagad pag-abot sa lugar, biglang napasiring sa riles kan tren an sarong bus rason nganing mangyari an banggaan.
Apwera sa mga nagadan nasa limang iba pa an nalugadan sa insidente.
Sa ngunyan nailipat na sa bus an 90 iba pang mga pasahero mantang paramientras na nasuspendir an biyahe sa lugar dara kan insidente.
Bako pang malinaw sa ngunyan kung papanong nangyari asin kung sisay an responsable sa nasabing aksidente.
