LEGAZPI CITY- Dae nin lusot an limang persona makalihis na maaktuhan kan pulisya na nagsasagibo nin iligal na sugal sa syudad kan Tabaco.
Dakop an mga suspek sa ipigkundusir na anti-illegal gambling operation kan Tabaco City Police Station na binistong sinda Roberto Budullo, 34-anyos; Marcel Beraquit, 37; Jaymar Sapiter, 30; Christian Belano, 27 asin 19-anyos na si Roberto Bonaobra.
Nakumpiskar sa mga ini an mga gambling paraphernalia asin dinara sa nasambitan na pulisya ngani na sangatan nin magkakanigong kaso partikularmente an pagbalgar sa Presidential Decree 1602 o an Anti-Illegal Gambling Act.
