LEGAZPI CITY – Nag back to back champion an mga delegado kan Ligao National High School sa kakatapos pa sanang UP Padunungan 2025.
Segun ki Ligao National High School Focal Person Samiel Payonga sa intrevista kan Bombo Radyo Legazpi na 53 nindang mga estudyante an nakipaglaban sa manlain-laing category mapadapit sa disaster resilience asin patungkol sa epektibong paghahanda sa panahon nin kalamidad.
Gabos suboot kan mga estudyanteng kabale an nag-agi sa dikdikang ensayo asin preparasyon sa laog nin duwang semana nganing makuwa an trayumpo.
Nagin lyabi man sa saindang trayumpo an pagigin eksperyensyado kan mga estudyante nin huli ta malaban man iba sa mga ini sa papaabot na regional press conference.
Pigtaram man kan paratukdo na dae man suboot nagin kaulangan sa saindang trayumpo an mga kulang na mga gamit nin huli ta nagkanya kanya na an mga estudyante sa saindang mga gagamiton.
Dae ninda pig-iisip an monetary prize kundi mawot nindang maiuli an honra para sa saindang eskwelahan pagkatapos kan torneyo.
Sa presente an mawot kan mga estudyante na mag 3 peat sa naunambitang patimpalak sa masunod na taon.
Pangapodan ni Payonga sa mga eskwelahan na makibale sa UP Padunungan nin huli ta kadakol sindang manunudan na pwede nindang magamit sa pang-urualdaw na buhay.
