LEGAZPI CITY- Mas mahigot na seguridad an ipigpapaotob ngunyan sa mga eskwelahan sa ciudad kan Ligao ngani na masierto na mapapangatamanan an mga estudyante.
Ini an kasunod kan nangyaring insidente nin pambabadil sa sarong eskwelahan sa Tacloban City kan Hunyo 22.
Segun ki Ligao City Schools Division Superintendent Nympha Guemo sa intrevista kan Bombo Radyo Legazpi Marso 2026 pa kan ipaluwas kan Department of Education Central Office ang DepEd Order 6- series of 2026 kun sain nakapalaog an guidelines kun papano masi-sierto an pagigin salbado sa mga learning environment.
Kaibanan digdi an pag inspeksyon sa mga bag kan mga estudyante asin paglalaag nin CCTV.
Ipinaliwanag kan opisyal na dapat masabutan kan publiko na an pagsasagibo nin bag inspection an para man sana sa seguridad kan mga estudyante.
Pigsi-sierto man suboot na dae napapasupog an mga ini durante kan pagsasagibo nin inspeksyon.
Afuera digdi, sinabi ni Guemo na importante man na pakusugon kan mga eskwelahan an kolaborasyon sa mga lokal na gobierno asin sa mga barangay ngani na mas mapangatamanan an mga jovenes.
