LEGAZPI CITY – Dagos pa man giraray an isasagibong lifestyle check kan Presidential Anti-Corruption Commission (PACC) sa mga haralangkaw na opisyal asin nagkapirang empleyado kan Philippine Charity Sweepstakes Office (PCSO).
Ini makalihis na sabihon ni Sen. Bong Go na sinambit ni Presidente Rodrigo Duterte na may sampulong papangaranang imbwelto sa korapsyon hale sa nasabing ahensya.
Sa ekslusibong intrevista kan Bombo Radyo Legazpi ki PACC Commissioner Greco Belgica, kaibanan pa man giraray an mga ini sa mga iimbestigaran sa aspetong administratibo asin kriminal kan kaso.
Segun ki Belgica, hahalion an mga ini saka dadarahon an kaso sa Office of the Ombudsman.
En kaso man maprobaran na igwang unexplained wealth an mga ini, susunadan man nin suway na kaso.
Sinabi pa ni Belgica na pupunan an pag-iimbestigar sa nasa 13 hasta 20 identified personnel hasta sa makakua nin ebidensya.
Aminado an PACC commissioner na dificil na magtalaan nin timeline para digdi alagad posible suboot suboot nin duwa hasta tulong bulan an pag-iimbestiga na nakadepende sa kumpletong dokumentong isusunad kan mga respondents.
