LEGAZPI CITY – Nagkondusir nin training an Department of Science and Technology (DOST) Bicol mapadapit sa tamang paggamit asin pag-inspeksyon kan mga timbangan sa ciudad kan Tabaco.
Segun ki DOST Bicol Regional Director Rommel Serrano sa intrevista kan Bombo Radyo Legazpi na obheto kan training nganing magtaong komprehensibong teknikal na kaaraman sa mga personahes kan City Treasurer’s Office, kabale an tamang inspeksyon, pagsusuri, asin opisyal na pagse-selyo kan mga timbangan.
Sakop man suboot sa naunambitang inisyatiba an paggamit sa manlain-laing measuring devices na piggagamit sa mga pampublikong merkado, partikulamente na an mga fuel dispensing pumps.
Mawot nindang matawan nin kaaraman asin kapasidad an mga lokal na gobierno para sa pagsasagibo kan mga ini nin mga inspeksyon sa saindang nasasakupang merkado asin establisyemento.
Pigtaram pa kan opisyal na magpapadagos an mga serye kan saindang training mapadapit sa tamang paggamit at pag-inspeksyon ng mga timbangan sa anterong parte kan rehiyon.
Plano man nindang magbarewas nin libreng ekipahe na kaipuhan sa pag-calibrate kan mga timbangan sa mga Lokal na Gobierno.
Pagdoon pa ni Serrano na mawot nindang maprotehiran an mga konsumer laban sa mga timbangan na may daya sa pampubliko man o pribadong merkado.
 Bicol conducted a training on the proper use and inspection of scales in Tabaco City.){kind=link}