LEGAZPI CITY—Liwat na nagsagibo nin Libreng Sakay an mga kapulisan sa provincia kan Sorsogon sa ibong na wara saindang nai-report na transport strike kan nakalihis na Marso 19-20, 2026.
Segun ki Sorsogon Police Provincial Office Public Information Officer Police Major Arwin Destacamento, sa intrevista kan Bombo Radyo Legazpi, mantang wara nin transport strike an may inihanda man giraray sindang mobility para sa libreng sakay sa publiko kun sain gabos na police station an naggamit kan saindang mobile cars nganing magin transportasyon kan saindang namamanwaan urog na an mga malaog sa trabaho asin mga estudyante.
Mientrastanto pighayag man ni Destacamento na wara man sindang nairehistrong mga nagbabalgar o nananamtalang gasolinahan sa paglangkaw kan presyo durante kan mga pagbabantay.
Padagos man an saindang pagtao nin awareness sa mga residentes katakod kan posibleng paghalangkaw pa kan presyo kan gasolina.
Nangapudan man an opisyal sa publiko na magin mahinahon asin padagos na mag-monitor sa mga presenteng sitwasyon sa paagi nin mga tamang impormasyon.
