LEGAZPI CITY — Naglalaom si Senador Bam Aquino na maisasaley na an iprinopuestong libreng wifi sa mga pampublikong lugar antes matapos an bulan o sa pagpupuon kan bulan kan Hunyo.
Sa intrevista kan Bombo Radyo, sinabi kan deputy minority leader na ginibong mas madali an pagpapatugdok nin imprastraktura ngane maisakatuparan na an Senate Bill No. 1277 o an “Free Internet Access in Public Places Act.”
Aminado man si Aquino na aabuton nin tulo sundo limang taon antes mapanuan an gabos na pampublikong eskwelahan, ospital, terminal, airport asin maging tourist destinations.
Apwera digdi, nagkaag suboot sinda nin probisyon na gibuhon sa laog nin pitong aldaw an gabos na permit na kalimitan mang pigrereklamo kan mga pribadong sektor.
Natapos kasuodma kan Bicameral Conference Committee an pinakahuring lakdang sa Senado asin Kongreso ngane makagibo nin ley sa libreng pampublikong internet access.
Kun babalikan, naipasa sa Senado an free public Wi-Fi bill pirang aldaw antes an session break kan mga lehislador.
