LEGAZPI CITY—Padagos an pagtao kan Department of Information and Communications Technology (DICT) Bicol nin libreng internet access para sa mga residentes na apektado kan pag-alboroto kan Bulkang Mayon.
Segun ki DICT Region V Regional focal person for connectivity Engr. John Nomel Ebuenga, sa intrevista kan Bombo Radyo Legazpi, sa presente an mga lugar na nagre-request sainda nin libreng internet access an ciudad kan Tabaco asin ciudad kan Ligao, alagad segun saiya na pigpapakarhay pa an mga resources para digdi.
Magagamit an nasabing internet access partikularmente kan mga estudyante para sa saindang pag-aadal siring kan pagbukas nin educational learning resources asin iba pang online platforms.
Dugang kan opisyal na nagdidistribuir man sinda nin mga SIM cards sa mga liblib na lugar sa Albay magin sa bilog na rehiyon kan Bicol.
Pig-asigurar man ni Ebuenga na an libreng internet access an saindang ipig-deploy nin full force nganing makatabang sa mga namamanwaan na nangangaipuhan nin siring na tabang.
