LEGAZPI CITY-Nagpaluwas nin sarong Executive Order No. 40 o an pigapod na “Creating the Infrastructure Audit Team ” an local government unit kan Camalig, ngani ma-audit an mga imprastraktura saindang lugar bilang paghanda sa posibleng mga kalamidad.
Segun kay Camalig Local Government Unit Spokesperson Tim Florence, sa intrevista kan Bombo Radyo Legazpi na makrear sinda nin bagong team na ma-audit sa mga imprastraktura sa Camalig Albay.
Obheto suboot kaini an maadalan asin maglibot sa mga sentro asin barangay na igwang mga establisimyento kun sain kadakol an mga nagtitipon na mga tawo, kairiba na an mga baranagay hall, covered court, tulay, asin mga business establishments.
Dugang pa kan opisyal na magigin parte kaini an budget sa disaster risk reduction and management funds ngani madeterminar asin riparuhon kun may mga depekto an mga imprastraktura.
Enkaso suboot na mahiling na may depekto, an tulos na aaksyonan asin papakarhayon bilang preparasyon sa posibleng kalamidad asin maprotehiran an mga tawo.
Magdadagdag man suboot sinda nin mga myembros kan team, magdadagdag nin mga amendments para sa executive order asin pigpaplanong maghagad nin partisipasyon hale sa mga civil society organizations.
Sinabi pa ni Florence na piglilikayan suboot kan lokal na gobierno kan Camalig, an nangyari sa Cebu asin iinuton suboot na i-audit an mga imprastraktura na dakol na mga converge nin tawo bilang pag-antisipar sa mga worst case scenario.
Basado man suboot ini sa direktiba kan lokal na gobierno bilang paghahanda sa posibleng earthquake asin iba pang
mga kalamidad.
