LEGAZPI CITY- Nagtetenir na bukas an gabos na tourism sites sa banwaan kan Camalig sa ibong kan nairehistrong mahibog na ashfall sa lugar huli sa aktibidad kan bulkang Mayon.
Napag-araman na gabos na mga tourism sites sa banwaan an nasa extended danger zone man kaya bukas na mag-akseptar nin mga bisita.
Segun ki Camalig local government unit Spokesperson Tim Florece na pigpapagirumduman sana an gabos na mga turista na maglikay asin magin alerto mantang nagi-enjoy sa pamamasyar.
Kaibanan digdi an pagsusulot nin face mask ngani na maprotehiran an sadiri sa epekto kan abo asin tamang hygeine.
Aminado man an opisyal na apektado kan aktibidad kan bulkan an turismo sa banwaan alagad dagos suboot an gabos na mga tourism related activities.
