LEGAZPI CITY – Aprubado na kan Gobierno Lokal kan Legazpi an konstruksiyon kan P20-M worth na panibagong pump water facility sa ciudad.
Segun ki Legazpi City Water District General Manager Rico Salazar sa intrevista kan Bombo Radyo Legazpi na kaipuhan na sanang pirmahan an memorandum of agreement nganing mapunan na an pagtugdok kan naunambitang pasilidad.
Makikipagkoordinar na man sinda sa Department of Public Works and Highways (DPWH) nganing maaraman an guidelines sa paggibo kan proyekto.
Obheto suboot kaini iyo an magkaigwa nin water shed development program nganing makapagtao nin bastanteng supply nin tubig sa ciudad.
Pigtaram pa kan opisyal na nasa negosasyon na man sinda sa mga may kagsadiri kan daga na tutugdukan kan pasilidad asin maaagihan nin tubo nganing wara nang maging kaulangan sa konstruksiyon.
Pigpasalamat man kaini an marikas na pagtugot kan city government nganing maisagibo an pasilidad asin pagpapakarhay kan sistema kan patubig sa Legazpi.
Dawa suboot kulang an budget, ipapadagos man giraray ninda an pagtugdok kan water pump facility nganing dae na magparahalat kan panahon na matawan talaga ini nin magkakanigong aksyon.
Pigtawan doon man ni Salazar na magigin dakulang katabangan man sa pagpapadagos kan proyekto kun gabos na konsyumer suboot an magbabayad kan saindang mga bill nin huli ta pwede ninda ining magamit enkaso kaipuhanon.
