Nanindugan si Deputy Minority Leader Leila de Lima na nararapat sana na ipagpadagos an pagdiskotir asin pagpasa kan propwestong ley na pig-aapod na Independent Commission Against Infrastructure Corruption (ICAIC) Bill.
Ginibo kan lehislador an saiyang pahayag kasunod kan mga pangapudan na ipaubaya na sana suboot sa opisina kan Ombudsman ang pagsagibo nin imbestigasyon mapadapit sa mga anomalya asin mga iregularidad na nahihiling sa manlaen-laeng proyekto na may kinaaraman sa flood control sa nacion.
Segun ki Rep. De Lima, mantang may kapangyarihan ang Ombudsman na magsagibo nin imbestigasyon, bako suboot bastante na maglaog sana digdi huli sa napakahiwas kan sakop kan mandato kaini.
Huli digdi, mas makakamarhay asin mas magiging epektibo kun magkakaigwa nin sarong hiwalay asin nakasentrong komisyon na partikularmenteng maimbestigar asin matutok sana sa mga kaso nin katiwalian na may kinaaraman sa mga proyekto nin flood control na may darakulang proyekto nin imprastraktura sa bilog na Pilipinas.
Tinawan-duon ni De Lima na an bersyon kan Senado kan ICAIC bill an may obhetong magtao nin mas malinaw asin mas pinakusog na kapangyarihan sa sarong independent commission.
Kabale sa mga mga kapangyarihang ini an direktang pagpapaotob nin mga kinakaipuhang lakdang kontra sa mga indibidwal o grupo na madadawit sa mga aktibidad nin katiwalian.
Dugang pa ni De Lima an pagkrear kan ICAIC an dae nangangangahulugan na pigpapaluya kaini an mandato kan Ombudsman.
Imbes ini an nagseserbing sarong katabang asin kadugangang pwersa nganing parikason asin pagtibayon pa an proseso kan imbestigasyon sa mga sensitibong isyu kan infrastructure corruption.
