LEGAZPI CITY – Nagtaong pagirumdom an Legazpi City Public Safety Office sa mga jeepney asin traysikel drivers sa mga serye nin overpricing katakod kan pagpopoon kan Palarong Bicol 2025.
Segun ki Legazpi City Public Safety Office head Octavio Rivero sa intrevista kan Bombo Radyo Legazpi na dae na dapat maglagpas an magigin singil kan mga driver sa taripa na ipigbugtak kan City Franchising Office kun sain 12 pesos an minimum asin dugang na tres pesos man sa mga masunod na kilometro.
Dapat man suboot na may nakadisplay na fair matrix sa mga traysikel nganing aram kan mga pasahero kun pira an saindang babayadan.
Pwedesir na mahampang sa reklamo an mga driver na warang display nin fair matrix sa saindang mga pampasaherong behikulo.
Nagmamawot an opisyal na nakanood na an mga driver sa mga nakalihis na natawan ninda nin penalidad asin pag-impound kan mga traysikel na napatunayang naghagad nin overprice na pamasahe.
Warang sasaltuhon an saindang ofisina huli ta ipapaotob ninda an no maximum tolerance asin ipapahiling ninda na dae nagkakaturog an saindang mga personahes.
Gigibuhon ninda an gabos nganing dae mapasupog an ciudad sa mga bisita asin delegado.
Padagos an pangapodan ni Rivero sa mga traysikel asin jeepney driver na dae pagsamantalahaon an mga pasahero huli ta gigibuhon ninda an gabos nganing mahampang an mga ini sa magkakanigong kaso.
