LEGAZPI CITY-Nangapudan an Legazpi City Police Station sa mga Punong Barangay sa ciudad na i-utilize an saindang mga tanod kasunod kan insidente nin pag hold-up.
Segun kay Legazpi CPS Officer in-charge Pol. Lt. Col. Arthur Tagtag, sa intrevista kan Bombo Radyo Legazpi, na nagkokonsdusir na sinda nin imbestigasyon na i-beripika an mga impormasyong manungod sa insidente nin robbery hold-up sa ciudad.
Ini makalihis an kumpirmadong pag hold-up sa sarong grocery store sa Barangay Tula-Tula.
Pinag-iimbestigaran naman an duwang napabaretang pag hold-up sa sarong vendor sa ciudad, kun padagos na pig-rereview an mga CCTV footages.
Alagad nilinaw kan opisyal na warang nangyaring robbery sa sarong meat shop.
Pangapudan man kan opisyal sa media asin namamanwaan na beripikahon muna an impormasyon hale sa pulisya, ngani dai ini magkawsa nin alarma sa lado kan ahensya.
Nagpagirumdom man an opisyal sa mga Kapitan kan barangay na i-utilize an saindang mga tanod na magkondusir nin patrolling huli ta limitado sana an personahes kan ciudad ngani makatabang man sa peace and order sa saindang barangay.
