LEGAZPI CITY-Kinumpirma kan Legazpi City Police Station an sarong insidente nin robbery hold-up sa Barangay Tula-Tula, sa ciudad kan Legazpi.
Kasunod ini kan mga baretang igwang tulong magkakasunod na insidente nin robbery hold-up sa ciudad.
Segun kay Legazpi CPS Officer in-charge Pol. Lt. Col. Arthur Tagtag, sa intrevista kan Bombo Radyo Legazpi na saro man sana an nairehistrong robbery hold-up sa ciudad na nangyari sa sarong grocery store na kadsadiri kan sarong kagawad.
Basado sa mga imbestigasyon kan pulisya, tinutukan nin badil an bantay kaini asin hinanap an may sadiri, huli sa takot itinao suboot an gabos na kwarta sa holdaper.
Huri naman suboot na nakapag-report sa station an kagawad kaya dai tulos ini narespundihan.
Sa presente, magsasangat na nin kaso sa prosecutors office asin nakuahan naman nin mga affidavit an mga witness asin complainant.
