LEGAZPI CITY-Inanunsyo kan Legazpi City Water District an saindang mga preparasyon para sa dry conditions na posibleng makaapektar sa suplay kan tubig sa ciudad.
Segun kay Legazpi City Water District General Manager Rico Salazar, sa intrevista kan Bombo Radyo Legazpi na nagpoon na an El Niño ngonian na Hunyo sagkod Agosto asin madurar hasta sa enot na kwarter kan taong 2027.
Huli digdi, pighihiling na ninda an plano manungod sa drought mitigation asin mga intrebensyon na kaipuhan gibohon para sa mga negatibong epekto kan tag-mara sa ciudad.
Sinabi ni Salazar na nagluluwas na igwang kakulangan na dapat pang gibuhon orog na sa pag-protehir kan surface water sources asin ground water sources.
Igwa na suboot sindang naka-establisar na programa na pwedisir makatabang sa normal na kondisyon sa ciudad.
Nanotaran man ninda na nagbaba an lebel kan tubig sa mga wells, asin kun minsan dai naririsa na pati an surface water nagdi-diit an quantity kan tubig.
Sa ngonian, kaipuhan na hiingon an mga long-term solution para sa El Niño, masierto na resilient an saindang imprastraktura, asin magkaigwa nin improvement an pagdistribwir ninda kan suplay nin tubig.
Nagsasagibo na man sinda nin strategic mitigation program, drought mitigation asin mga programa sa water resources protection na nangangaipo nin suporta gikan sa mga institusyon, orog na sa parte kan Barangay Bonga, Mabinit, asin Matanag sa ciudad.
