LEGAZPI CITY – Padagos an paglilibot kan Legazpi City Smoke Free Unit nganing mag monitor sa laog kan 100 meters kan mga eskwelahan asin mga lugar na pigpapasyaran kan mga estudyante asin menor de edad.
Segun ki Legazpi City Smoke Free Unit Team Leader Jose Balbin sa intrevista kan Bombo Radyo Legazpi na saro sa mga bisyo ngonian kan mga kaakian iyo an paninigarilyo kun kaya mawot ninda ining matutukan asin matawan nin penalidad an mga tiendahan na nagbabayolar.
May mga establisyemento man na nagsunod sa ordinansa alagad may nagkapira man na mga tiendahan asin indibidwal na nadadakop kun kaya uminabot na sa 14 an saindang nakasuhan.
Enkasong nasunadan na suboot an sarong indibidwal o estalisyemento an dae na ini pwedesir magbayad kan penalidad sa City Treasurers Office asin hahampangon na ninda an saindang kaso.
Pigtaram pa kan opisyal na difisil sa saindang lado an pauru-utro na pagirumdom alagad nanindugan ini na piggigibo ninda ini huli ta ini an saindang trabaho sa pagdakop asin pagpapaotob nin maximum tolerance.
Pigdadara man ninda sa hepatura kan Legazpi City Police Station womens and children desk an mga menor de edad na nadadakop asin hahalaton na i-claim ini kan saindang magurang sagkod sa mag-orolay na mahampang na sinda sa penalidad sa oras na madakop giraray ini.
Kabale na man suboot sa ehnaced ordinance kan ciudad an pagbabawal man sa paggamit nin vape mantang kaipuhan na magkuwa nin lisensya an mga tiendahan na luwas man sa 100 meters na distansya sa mga eskwelahan huli ta bako man bawal an pagtitienda kundi kaipuhan na ma-regulate sana.
Pagirumdom ni Balbin sa publiko na nagpapadagos man giraray an saindang paglilibot sa mga eskwelahan asin pampublikong lugar sa ciudad nganing masawata an paninigarilyo na peligroso urog na sa makakaparong kan aso kaini.
