LEGAZPI CITY- Inasegurar kan Legazpi City Public Safety Office an mahigot na seguridad sa mga mabisita sa ciudad ngani na magselebrar nin aldaw nin mga puso.
Segun ki Legazpi City Public Safety Office head Octavio Rivero sa intrevista kan Bombo Radyo Legazpi na naglatag sinda nin mga personahe ngani na magbantay sa bulos kan trapiko asin magtaong asistensya sa publiko.
Kaibanan sa mga pigtututukan an komon na mga pigpapasyaran kan mga couples asin mga pamilya siring kan mga mall, parke asin iba pang matatawong lugar.
Sinabi kan opisyal na kasabay kan pinaglalaoman na pagruso kan mga bisita an pagtatao man nin konsiderasyon enkasong makapag komitir nin mga bayolasyon, urog na sa mga bako taga Legazpi.
Sa ibong kaini, nagpagirumdom man liwat si Rivero na mag park sa tabang lugar ngani na maibitaran an anuman na dae pinaglalaoman na isidente.
Nagpatanid man ini sa mga motorista na pauru-utro na nagbabayolar sa mga ordinansa kan ciudad na magsunod sa mga naga iral na polisiya.
