LEGAZPI CITY – Naglangkaw an share kan local government unit (LGU)-sponsored beneficiaries kan Philippine Health Insurance Corp. (PhilHealth) sa Albay kan taong 2016 base sa pahayag kan sarong opisyal kan Philhealth sa probinsya.
Sigon ki Darlene L. Nuyles, acting head kan Local Health Insurance Office (LHIO) sa Albay, natawanan kan Legazpi City nin access sa universal health care program kan gobyerno an 4,407 na pobreng residente sa 70 barangay sa syudad.
Sinabi man ni Daisy Jane Daet, an nagmo-monitor sa record kan LHIO-Albay na kan Nobyembre 30, 2016 45% an naikontribuir kan Legazpi sa maabot sa 10,000 na LGU-sponsored beneficiaries sa tulong syudad kan Albay asin 15 banwaan.
Sinabi man kaini na nag-abot sa 9,738 an kabilugan na numero kan sponsored beneficiaries sa 18 LGU sa Albay sa nasambitan na peryodo.
Panduwa suboot an Tabaco City na igwa nin 1, 703 mantang pan-tulo an Daraga na igwa nin 1, 544 na PhilHealth access card holders.
