LEGAZPI CITY-Nagbabala an alkalde kan ciudad kan Legazpi sa mga nagagamit nin “Cyanide” ngani makadakop nin sira.
Segun ki Legazpi City Mayor Isham Ismail sa sa intrevista kan Bombo Radyo Legazpi, na nakakaraot sa ecosystem an paggamit kaini asin naapektaran an mga sira pati na an mga corals sa kadagatan.
Nagpagirumdom man an alkalde na papanimbagon sa paagi kan ley an sisay man na magbayolar digdi.
Babantayan man suboot an mga lugar sa ciudad kairiba na an Padang, Bigaa, Rawis, Arimbay, Matnog asin iba pa para sa mas mahigot na direktiba.
Mensahe man kan alkalde sa mga nagbabayolar digdi na dai na pag raoton an ecosystem huli sa nakukuhaan ini nin sira asin hanapbuhay man ini kan mga parasisira sa ciudad.
Mientrastanto, pigsisierto man kan Alkalde na tatrabahuhon an Kalayaan Park sa ciudad ngani mapapakinabangan kan gabos, orog na kan mga masunod pang henerasyon siring man an posibleng pagdagdag digdi nin ibang mga bagong imprastraktura.
