LEGAZPI CITY – Klinarificar ni Legazpi City Mayor Noel Rosal na bakong non-working holiday an pagbubukas kan Ibalong Festival 2019 sa Agosto 16.
Ini an katakod kan ibinabang resolusyon kan Sangguniang Panlungsod kan Legazpi na nagcausa nin pagkaribong sa nagkapira.
Sa intrevista kan Bombo Radyo Legazpi ki Mayor Noel Rosal, sinabi kaining bako otorisado an city government na magdeklara nin non-working holiday mantang pwede sanang magsuspendir kan klase kun maraot an panahon.
Sa ala-una kan hapon, wara naman na laog an mga empleyado kan city government para sa isasagibong parada mantang inengganyar man an mga estudyante na magsabay sa pagbubukas kan kapiestahan.
Mientras tanto, inabisuhan naman ni Rosal an Sangguniang Panglungsod na baguhon an parte kan resolusyon na nagcausa nin pagkaribong sa mga ciudadano.
