LEGAZPI CITY- Nagpromesa an lokal na gobierno kan ciudad kan Legazpi na magtatao nin dugang na cash incentives sa mga medalists sa nagpapadagos na Palarong Bicol 2025.
Segun ki Legazpi City Mayor Alfredo Garbin Jr. na maghahali sa sadiring bulsa niya an dugang na insentibo na suway pa sa itatao kan lokal na gobierno.
An mga Legazpeño athletes na makakapagbulsa nin gold medal an makakaresibe nin dugang na P5,000 kada medalya.
An mga team events man na makakapag-uli nin bulawan na medalya an makakaresibe man nin dugang na P20,000.
Paliwanag kan alkalde na mawot niya na mapaugma pa an mga atleta na nagre-representar sa ciudad bilang pagtatao nin pagbisto sa sakripisyo asin talento kan mga ini.
