LEGAZPI CITY — Nagpaplano ngunyan an alkalde kan Legazpi City na magkaigwa nin relokasyon kan nagkapirang opisina sa syudad kasabay na an mismong City Hall.
Sa intrevista kan Bombo Radyo Legazpi ki Mayor Noel Rosal, sinabi kaini na plano nyang ibalyo an munisipyo sa dating erpuerto kun sain mahagad sinda nin tulo sagkod sa limang ektaryang daga ngani na maakomodar an edeficio.
Iniladawan ni Rosal an magigin bagong istruktura kaini bilang “White House.”
Apwera digdi, nakatalaan na i-transfer an opisina kan Land Transportation Office (LTO) na presenteng nasa Old Albay District sa may Embarcadero asin gagamiton an mababayaan kaining edeficio kan Public Safety Office (PSO.)
Dakulon na kaya suboot na opisina an yaon sa City Hall kun kaya mawot nindang mabawasan an mga ini para sa urog na mahewas na espasyo.
Segun pa sa alkalde, ipapabakal nya an dating munisipyo para sa mga negosyanteng target na mag-invest sa syudad sa paagi kan pagkonstruhir nin hotel asin iba pang business establishments.
