LEGAZPI CITY- Nakahanda na an lokal na gobierno kan Legazpi City katakod kan pinag-andaman na epeko kan bagyong Pepito na pinag-aantisiparan na makaka apektar sa nagkapirang parte kan Bicol region.
Segun ki Legazpi City Disaster Risk Reduction and Management Office head Engineer Miladee Azur sa intrevista kan Bombo Radyo Legazpi na limang mga hazards an pinag-aandaman kan ciudad.
Kaibanan sa mga ini an epekto kan makusog na paros, mga pagbaha, landslide, storm surge asin an posibleng huma kan lahar.
Napag-araman na magkakaigwa man nin risk matrix computation sa kada barangay ngani na maaraman an mga posibleng maapektaran sring kan economic resources asin iba pa.
Sinabi man ni Azur na basado sa kalkulasyon, posibleng mag-generate nin lahar an pinag-aantisiparan na mga pag-uran na dara kan nasabing raot nin panahon kaya pinayuhan an publiko na maging alerto.
Dugang pa kan opisyal na aram na man kan mga barangay kun sain sinda ma-ebakwar kaya nakalatag na an mga isasagibong aksyon.
Paliwanag kaini na kun magpaotob na nin pre-emptive evacuation, naglalaom an ahensya na dae na magkakaigwa nin rescue operations huli ta amay ng naghanda.
