Handa an legal team ni dating Presidente Rodrigo Duterte na akoon an anuman na kondisyon na ipapaotob kan International Criminal Court (ICC) para sa posibleng interim release.
Segun ki lead counsel Nicholas Kaufman, pigsugo siya ni Duterte na ibusol an saiyang interim release sa ano man na kondisyon.
Kabali digdi an pagtenir sa third country, travel restriction, asin monitoring measures.
Pig-aadalan ngonian kan ICC Pre-Trial Chamber an kahagadan kan defense team.
Dugang pa ni Kaufman, dae nagkontra an gobyerno kan Pilipinas sa saindang kahagadan.
Enot nang piglalaoman kan chamber na isasagibo an confirmation of charges hearing sa Nobyembre 2025 alagad huli sa na-postpone indefinitely an saindang pighihiling ngonian kun may importansya pa ba na makulong an dating presidente.
Magigirumduman na pigbuyagyag ni Bise Presidente Sara Duterte na igwang sarong nasyon na preparadong kupkupon an saiyang ama enkaso maaprobaran an interim release.
 for a possible interim release.){kind=link}