Magbabalik sa Manila an South Korean superstar na si Lee Min Ho ngunyan na taon.
Inanunsyar ni Min Ho asin kan saiyang agency sa saindang social media pages an saiyang “MINHOVERSE” fan meeting tour sa Asya.
Mabisita si Min Ho sa Manila pagkatapos kan Seoul, Bangkok, Macau, Taipei, asin Jakarta.
Alagad, pigtaram man sa post na pwedesir magbago an iskedyul asin maaaraman pa an mga kadugangang detalye sa mga anunsyo sa futuro.
Dati na nang nagbisita si Min Ho sa Pilipinas kan i-promote kaini an saiyang pelikula na “Gangnam Blues,” pati na man an saiyang mga brand endorsement.
Namidbidan an aktor sa saiyang mga role sa “Boys Over Flowers,” “The Heirs,” “The King: The Eternal Monarch,” asin kadakol pang iba.
