LEGAZPI CITY—Pig-implementar na ngonian kan Camalig North Central School an learning contingency plan ngani na padagos man giraray an pagklase kan mga kaakian sa nasabing eskwelahan.
Magigiromdoman na nasulo an gabaldon building kan naunambitang eskwelahan kan Martes, Abril 1, 2025.
Segun ki Disaster Risk Reduction and Management Office (DRRMO) Schools Division Office (SDO) Alvin Cruz, sa intrevista kan Bombo Radyo Legazpi, na anom an naapektarang klase kan nasulong gabaldon building.
Sinabi kaini na magkakaigwa nin emergency plan kun saen magpapaotob nin shifting sa iskedyul sa mga apektadong klase kan nasambitang eskwelahan.
An nasabing lakdang an susog sa mandato kan Department of Education (DepEd) na en kaso may mga emerhensya o kalamidad, kaipuhan na padagos man liwat an provision kan basic education.
Mientrastanto, sinabi ni Cruz na pirme sindang preparado ngani na magtabang sa pag-recover asin rehabilitation kan nasambitang eskwelahan, siring man an pagtabang sa mga apektadong paratukdo asin estudyante.
