Inako ni House lead prosecutor asin Batangas 2nd District Rep. Gerville Luistro na nakakamati siya nin kakulangan sa saiyang pagsimbag sa impeachment trial ni Vice President Sara Duterte makalihis limitaran sa “yes or no” an nagkapira sa saiyang kasimbagan sa clarificatory questions nindaSen. Robin Padilla asin Sen. Pia Cayetano.
Segun ki Luistro, parte kan normal na proseso kan paglilitis an paghahapot kan mga senator-judges, alagad importante na maipaliwanag an konteksyo kan lambang simbag.
Marurumduman na sa pagdangog, hinapot ni Cayetano dapit sa obheto kan affidavit ni Arturo Lascañas, mantang kinuwestyon man ni Padilla kun ini an notarized.
Nilinaw man kan prosecution na ipighampang san aini ngani na ipahiling an dalagan kan imbestigasyon kan NBI asin bako bilang patunay sa laog.
Huli digdi, nagsunad si Luistro nin manifestation ngani na mailaag sa record an saiyang bilog na paliwanag, kasabat kan pagirumdom ni Presiding officer Sen. Francis “Chiz” Escudero na an affidavit an pigtatangro sana bilang parte kan proseso kan imbestigasyon.
