LEGAZPI CITY- Nakapagtala ng sunog sa Purok 1, Barangay 17, Ilawod, Legazpi City ngayong umaga, Enero 8, 2025.
Ito ay kahit pa nakakaranas ng mga pag-ulan ang lungsod.
Nabatid na isang laundry shop sa harap ng Unitop Legazpi ang tinupok ng apoy.
Agad naman na rumespunde ang mga kinauukulan at naideklarang fire out bandang alas-5:45 ng umaga.
Sa kasalukuyan ay patuloy na iniimbestigahan ng mga ororidad ang pinagmulan ng sunog.
Samatala, nagpaalala naman ang mga kinauukulan sa publiko ng ibayong pag-iingat upang maiwasan ang kaparehong mga insidente.
