LEGAZPI CITY-Sarong landslide an nagtama sa saro sa mga mayor na pigpupunan kan mga nag-sasakat sa Mount Fuji sa Japan kasunod kan makusog na pag-uran sa central region.
Natambunan kan debris an tolong lunadan digdi, alagad wara nin naireport na nairido o nagadan.
Susog sa Japan Meteorological Agency, an mabukid na lugar kan Shizuoka Prefecture, nakaeksperyensya nin makusog na pag-uran poon kan Martes na banggi sagkod Miyerkules nin pagka-aga.
Huli kaini, sinarado an Fuji Subaru Line—saro sa mga pangenot na mga ruta pasiring sa Mount Fuji.
Mientrastanto, duwang climber an nakuang daing malay sa magkasuhay na agihan sa nasabing lugar.
Dai pa pigkokonektar kan mga awtoridad an pangyayari sa landslide, asin sarong police mountain rescue team an pig-deploy na digdi.
Mientras tanto, sa Kawanehon, Shizuoka, sarong obrero an nagadan pakatapos na tamaan nin separadong landslide.
An makusog na uran nagkaigwa man nin mahiwas na epekto sa Aichi asin Gifu, kun saen 41 katawo an naireport na nairido huli sa pagbaha.
Sa Nagoya, an pag-uran uminabot sa man rekord na 104.5 millimeters sa laog sana nin sarong oras.
Piglalaoman na magpapadagos an makusog na uran sa nagkapirang parte kan Japan sagkod sa Miyerkules na hapon.
