Lambang Catanduanon, labi an kaugmahan sa pagkaka-diskwalipika kan magtugang na Cua – Gov. Azanza

LEGAZPI CITY – Pigkokonsidera bilang trayumpo kan namamanwaan kan Catanduanes an iniluwas na Certificate of Finality kan Commission on Election manungod sa disqualification case na pigkahampang ni Former Catanduanes governor Joseph Cua asin kan saiyang tugang na si former vice governor Peter “Boss Te” Cua.

Segun ki Catanduanes Governor Patrick Azanza sa intrevista kan Bombo Radyo Legazpi na nagbubunyi an saindang namamanwaan huli ta dae nagpaluwas nin temporary restraining order an Korte Suprema makalihis an haros sarong semana poon kan mag-issue man nin en-banc decision na nagdidiskwalipika sa magtugang na pulitiko.

Malinaw suboot na dae na sinda pwedesir magdalagan sa anumang posisyon sa gobierno huli ta napatunayan kan komisyon na pareho sindang Chinese.

Alagad nanindugan siya na dae pa tapos an saindang laban huli ta papanimbagon pa ninda an mga na-disqualify na mga opisyal asin iimbestigaran an saindang mga negosyo makalihis mapatunayan na bako sinda mga pilipino.

Pigtaram pa kan opisyal na sa paagi man kan Certificate of Finality an mawawaran na nin bisa an paghagad nin recount si Cua huli ta maikokonsidera na ini bilang bako kandidato.

Pigsuhestyon man suboot sainda na magpasa nin resolusyon sa Sangguniang Panlalawigan na nagsusugo na ipatanggal an saiyang pangaran sa gabos na record asin history kan provincia.

Afuera kaini an pig-aadalan pa kan mga abogado an criminal liability kan dating gobernador huli ta nagsweldo ini maski saro ining Chinese citizen.

Pagdoon pa kan gobernador na huli ta naliwanagan na an gabos an wara nang rason nganing magdalagan pa nin anumang posisyon sa pulitika.