LEGAZPI CITY—Takdag sa kamot kan mga otoridad an sarong lalaking wanted sa duwang kaso nin Estafa sa banwaan kan sa Libon, Albay.
An suspek binisto na si “Franky” asin residente kan nasabing banwaan.
An pag-arestar saiya an basado sa duwang mandamiento de aresto na iniluwas kan noong Nobyembre 15,2011 na may piyansang P32,000; mantang an ikaduwang mandamiento de aresto an para sa man sa estafa na iniluwas kan Enero 31, 2012, na may pigrekomendang piyansa na P18,000.
Ikinundusir an operasyon kan mga personahes kan Albay Police Provincial Office Provincial Intelligence Unit asin Libon Municipal Police Station.
Mientrastanto, nasa kustodiya na kan Libon MPS an suspek para sa magkakanigong disposisyon.
