LEGAZPI CITY—Naarestar kan mga otoridad an sarong wanted person sa Barangay Tinago, Camalig, Albay.
Binisto an suspetsado na 34-anyos, lalaki, asin residente kan Sorsogon City, Sorsogon.
Naarestar ini sa pinagsarong pwersa kan Donsol Municipal Police Station (MPS) asin Camalig MPS sa ipinaluwas na mandamiento de aresto kan RTC5 Branch 14, Ligao City na may kasong panlulugos.
An nasambitang kaso warang pigrerekomendang piyensa.
Sa presente, nasa kustodiya na ini kan Donsol MPS para sa magkakanigong disposisyon.
