LEGAZPI CITY—Arestado an sarong lalaki na pigkokonsiderar na Provincial Most Wanted Person sa kasong Acts of Lasciviousness huli sa panghihipo sa menor de edad niyang aki.
Segun ki Sto. Domingo MPS PIO PCpl Arlene Balean, sa intrevista kan Bombo Radyo Legazpi, an suspetsado sarong 49-anyos, driver, asin residente kan Barangay Sto.Niño, Sto.Domingo, Albay.
Napag-araman na dati nang naarestar ini sa kasong Child Abuse sa saiyang duwang menor de edad na mga aki.
Kun kaya mantang nasa karsel an suspetsado nagpaluwas an Sto. Domingo Municipal Police Station nin bagong mandamiento de aresto laban digdi.
Pwedesir man ining makapagpiyansa nin P200,000 para sa saiyang temporamenteng libertad.
Mientrastanto, nasa kustodiya ini kan Sto. Domingo Municipal Police Station para sa magkakanigong disposisyon.
