Dinakop kan National Bureau of Investigation (NBI) – Dangerous Drugs Division an sarong lalaki makalihis na madakop na nagtitinda nin illegal abortion pills asin mga bawal na bulong online.
Nadakop an suspetsado na binistong si Jonathan Abetria sa laog kan sarong sadit na bodega makalihis na magsagin-sagin an mga operatiba na mabakal kan ipigpspabakal kaining abortion pills.
Segun sa Food and Drug Administration (FDA), an mga nakumpiskar na droga kabale na an mga abortion pills na nagkakantidad nin P28,000 asin an soboot “rape drug” na ipinapabakal sa kantidad na P4,500, dae awtorisado na ipabakal sa publiko.
Napag-araman na mayo nin magkakanigong lisensya hale sa FDA, Professional Regulation Commission (PRC), asin Certificate of Registration (COR) an suspechado sa pagpabakal kan nasabing bulong.
Si Abetria nahahampang sa manlaen-laen na kaso huli sa pagbalga kan Cybercrime Prevention Act, Philippine Pharmacy Act, asin Consumer Act asin FDA Law.
 – Dangerous Drugs Division has arrested a man after he was caught selling illegal abortion pills and banned drugs online.){kind=link}