LEGAZPI CITY-Sinentensyahan nin habangbuhay na pagkaakkulong an warang parole na si Justin D. Mohn, 33-anyos, makalihis mapatunayang guilty sa paggadan sa saiyang ama kan Enero 2024.
Segun kay Bucks County Judge Stephen Corr, nagkasala si Mohn sa pambabadil asin pagputol kan payo kan saiyang ama sa saindang harong.
Segun sa mga imbestigador, binadil niya si Michael F. Mohn, 68-anyos, gamit an bagong bakal na badil asin pinugutan gamit an kutsilyo asin tabak.
Segun pa sa County District Attorney, wara man suboot na pagsisisi ni Mohn, asin inapod an na ”unimaginable, unfathomable crime.”
Sinabi naiya na ligtas na ngonian an komunidad hale sa suspek.
Nagprobar pa suboot si Mohn na tawanan nin katwiran an krimen sa pagsasabing inarestar niya suboot an saiyang ama huli sa pagtraydor kaini.
Alagad inamin niyang pinugutan niya ini ngani magpadara nin mensahe sa mga empleyado kan gobyerno asin pigsabi niyang mga pangapudan.
Naaresto si Mohn makalihis magsakat sa Fort Indiantown Gap, sarong kampo kan National Guard, kung sain nangapudan siya sa publiko na pabagsakon an gobierno.
Nahahampang an suspek sa kasong possession of an instrument of crime, gun charges, criminal use of a communication facility, terroristic threats, defiant trespassing, asin abuse of a corpse.
Segun sa mga tagausig, an krimen, sarong ”cold, calculated, organized plan.” ngani takuton an mga federal employee.
