LEGAZPI CITY — Nagpaparahay na ngunyan an sarong lalaki makalihis na saksakon kan sadiri man sanang tugang sa banwaan kan Manito, Albay.
Ipinaaram kan mismong doktor kan Manito Municipal Hospital sa mga otoridad an nangyaring pananaksak sa Purok 5 Barangay It-Ba kan nasabing banwaan.
Binisto an biktima na si Salvador Dasalla Jr, 21 anyos.
Tulos na naidalagan sa ospital an biktima kun kaya naagapan an paglala kan sinapar na lugad kaini.
Nagpasiring man an personahes kan Manito Municipal Police sa pangengenot ni SPO4 Romeo Bognalbal sa pinangyarihan kan lugar kun saen naabutan an 19-anyos na suspek na si Paolo Dasalla.
Sa ngunyan nagtetenir sa kustodiya kan pulisya an nasabing suspek para sa magkakanigog disposisyon mantang pig-aaram pa talagang pinunan kan nasabing insidente.
