Inarestar kan mga pulis an sarong lalaki na nagsakat sa Eiffel Tower sa huring aldaw kan Paris 2024 Olympics sa France.
Narisa na sana kan mga pulis na sarong lalaki na wara nin sulot na bado an nakasakat na sa Olympics rings kan tower.
Tulos na nag-aksyon an mga otoridad na nagpaotob nin evacuation sa mga nakapalibot sa Eiffel Tower.
Paramientras man na dae pinaluwas an mga nasa itaas kan monumento bilang dagdag na seguridad.
Makalihis an nagkapirang minuto, nagibong maranihan kan mga pulis an nagsakat na lalaki saka ini inarestar.
Dae pa man pigpapaluwas kan mga otoridad an pangaran kan lalaki mantang pinag-aaram pa kung ano an posibleng motibo kaini sa pagsakat sa tower.
