LEGAZPI CITY — Tulos na idinalagan sa ospital an sarong lalaki makalihis na magin biktima nin paninigbas mantang nasa laog kan sadiring harong sa Brgy. San Isidro, Prieto Diaz, Sorsogon.
Binisto an biktimang si Reggie Escario Ferolino, 23-anyos.
Susog sa inisyal na imbestigasyon kan Sorsogon City Police, nasa laog kan harong an biktima kan bigla na sanang maglaog an suspek na napag-araman na sadiring tugang man sana kaini.
Dara-dara kan nabistong si Ricardo Escario Ferolino, nasa legal ng edad an sarong patarom asin warang habas na pinagtitigbas an biktima na nagsapar nin tama sa walang braso asin walang parte kan daghan.
Nagdulag man an suspek makalihis na isagibo an krimen mientras na pinagtarabangan na darahon sa ospital an biktima para sa magkakanigong atensyong medikal.
Mientras tanto, napag-araman na igwang problema sa pag-iisip an nasabing suspetsado na pinaghahanap na kan mga otoridad sa presente.
