LEGAZPI CITY – Pighahanap na kan kapulisan an mga suspek sa pambabadil sa sarong persona sa Sitio La Medalia barangay Bonbon, Libon, ALbay.
Nabisto an biktima na si Alberto Sesno na sarong chainsaw operator.
Segun sa impormasyon, nasa laog kan saiyang harong an biktima kan sabaton ini kan sarong lalaki asin makalihis an pirang minuto, nadangog na sana an mga putok nin badil.
Makalihis an insidente, nadukayan na sanang duguan an biktima na may tama nin bala sa saiyang abaga asin likod.
Tulos man ining idinalagan sa ospital alagad idineklarar na dead on arrival.
Sa presente, nagpapadagos pa an imbestigasyon ngani na maaraman an motibo sa pambabadil asin madakop an suspek na responsable sa krimen.
