LEGAZPI CITY — Gadan makalihis na pagbabadilon an sarong lalaki sa laog kan sarong subdibisyon sa Purok 4 Brgy Bañag, Daraga, Albay.
Sa nagunong impormasyon kan Bombo Radyo, nasambitan na nahiling na naglalakaw sa subdibisyon si Marcial Cerezo kan biglang buminutwa an sunod-sunod na putok nin badil.
Kan matapos an insidente, duguan asin nakabulagta na sa makeshift na harong kaini an nasabing biktima kan makua kan mga kataid mantang nahiling man an sarong naka-bonnet na lalaki na pahali na sa pinangyarihan kan krimen.
Wara mang nakamidbid sa pandok kaini na natatakluban kan sulot na bonnet.
Sa ngunyan, pig-aadalan na kan mga otoridad an posibleng motibo sa nasabing pambabadil mantang padagos pang pig-aaram an aydentipikasyon kan suspek.
