LEGAZPI CITY — Tulos na binawian nin buhay an sarong lalaki makalihis na makuryente sa Barangay Nagas, sa banwaan kan Oas, probinsya kan Albay.
Sa inisyal na impormasyon gikan sa Oas Municipal Police, nabisto an biktimang si Arnel Teves, 49-anyos na residente kan nasambitan na lugar.
Aksidente suboot na nakuryente si Teves mientras na naglilinig kan saindang harong para sa saiyang paparaning birthday celebration.
Nagmumundo ngunyan an pamilya kan biktima huli ta dae na ini pinalad na makaabot sa saiyang kompleanyo na pinaghahandaan kaining marhay.
