Sarong 42-anyos na lalaki sa Sicily, Italy an nagsunad nin kaso kontra sa sarong restaurant.
Ini makalihis na magin kawsa kan pagkaraot kan saiyang pamilya an sarong promotional TikTok video na pig upload kan establishimento huli ta nahagip an mister na nagkakaon kaibanan an saiyang kabit maski pa an paaram sa saiyang misis na maatendir sana siya sa sarong dinner kaibanan an mga katrabaho.
Kan madalan kan esposa an video, tulos niyang pinalayas an mister huli sa kasusupgan asin ebidensya kan panloloko.
Pigduon kan lalaki na pigbayolar kan restaurant an saiyang privacy rights huli ta kinuwaan siya nin video nin warang pagtugot.
Dagdag pa kaini na bako kaako-ako na basta na sanang kinuwaan nin video an mga kustomer asin i-broadcast ini online huli sa mga dae pinaglalaoman na epekto sa pribadong buhay kaini.
Naghanad man an kampo kan lalaki nin danyos perwisyos asin pinag-aadalan an pagsusunad nin reklamo sa data protection authority kan Italy huli sa insidente.
