Sarong lalaki an nadukayang wara nang buhay sa tinampo asin nagkakarigus sa sadiring dugo makalihis badilon sa manlain-laing parte kan saiyang payo bandang ala-1:30 nin maagahon kan aldaw kan Biyernes Santo, sa kahalabaan kan bypass road, Purok 6, Villa Consuelo, Brgy. Apokon, Tagum City.
Basado sa impormasyong nairehistro kan Tagum City Police Station na sarong concerned citizen an nag-report sa sainda kan insidente, rason nganing tulos na rumesponde an pulisya sa insidente asin maglansar nin ocular inspection asin imbestigasyon.
Afuera digdi, pig-aaram pa an identidad kan biktima na nakasulot nin berdeng jacket.
Sa katunayan, nadiskubre kan Davao del Norte Provincial Forensic Unit (DNPFU) an limang cartridge na pinagtutubudang hale sa caliber 45 na badil.
Iniimbestigaran pa an motibo asin anggulo kan krimen.
Sa presente, nasa punerarya sa nasabing banwaan an bangkay para sa tamang disposisyon.
