LEGAZPI CITY — Pighahalat pa sa ngonian kan mga otoridad an resulta kan post-mortem examination na isinagibo sa bangkay kan sarong lalaki makalihis na madiskubreng gadan sa Purok 2, Brgy. Matagbac sa ciudad kan Tabaco kasubagong maagahon.
Binisto ining si Ramon Francisco Bombon Jr., 67-anyos na tubong Pasacao, Camarines Sur.
Sa intrevista kan Bombo Radyo Legazpi ki P/Supt. Jefferson Araojo, hepe kan Tabaco City Police Station, nahiling an bangkay kan lalaki na nakatukaw sa sarong meat shop sa nasabing lugar kun saen ini nagtatrabaho bilang helper.
Mientras tanto, wara man na nahiling nin senyales nin pakikipag-enkwentro o kaya anuman na lugad sa hawak kaini base sa pangenot na imbestigasyon kan pulisya mantang napag-araman na haloy naman ining igwang pigmamateng helang sa baga.
Padagos pa man an ipinagkokondusir na imbestigasyon kan mga otoridad sa nasabing pangyayari asin nakikipagkoordinar na sa mga parientes para sa pagpapalubong kan nasabingh bangkay.
